دكتور مدمن ترامادول

استعرض الموضوع السابق استعرض الموضوع التالي اذهب الى الأسفل

دكتور مدمن ترامادول

مُساهمة  Admin في الخميس نوفمبر 29, 2012 10:18 am




من 3 سنين ، برده زى بداية أى قصه أو معظم قصص الترامادول ، تجربه ، صاحبى وعلى الرغم إنه طبيب بشرى وعارف عيوب السم ده ، بس من كلام صحابه جرب الترامادول وخد نص قرص لأول مره فى يوم فرحه ، من كلام صحابه ده نص قرص مش هيعمل حاجه وهيخليك فى مود تانى خالص وهتحس إنك ممكن تقعد يومين صاحى مبتنامش من غير أى تعب فى جسمك لا وكمان نشاطك عالى جدا - أو للأسف متخيل إن نشاطك عالى جدا.

صاحبى عجبه الإحساس بالنشوه اللى بيعمله الترامادول ، وبحكم طبيعة عمله كان الحصول عليه اسهل من الحصول على قرص ريفو مثلا ، بدأ الشيطان بقى دوره طبعا ، طيب متاخد نص قرص بس يوم الخميس كل أسبوع عشان تعرف تقضى الويد إند من غير تعب ، وتعرف تضحك وتخرج ومتضيعش اليوم بتاع الأجازه فى النوم.

بحكم طبيعة عمل السم القاتل ده " الترامادول " كل ما الوقت بيعدى الجسم بيتعود على كمية الجرعه ، ومش بيبقى ليها تأثير على الجسم خلاص لأن الجسم اتعود عليه خلاص ، خلاص إحساس النشوه راح وبعد ما كان بيقعد يومين صاحى وبيضحك وبيهرج مبقاش حاسس بأى حاجه...

بدأ صاحبى يعلى الجرعه ، وهو بيقنع نفسه إنه مش مدمن ووقت ما هيحب يبطل هيطل تانى يوم ، بدأت الجرعه تزيد و تزيد وتزيد عشان يحلفظ على نفس الإحساس بالنشوف والفرحه والنشاط الكاذب ده.....فضل3 سنين بياخد " الترامادول " ووصلت الجرعه لحد نص شريط كامل فى اليوم.....5 حبات كاملين فى اليوم عشان يحافظ على نفس الإحساس......أول حاجه بيعملها أول ما بيصحى من النوم الصبح....إنه بيفتح درج الكومود وياخد حبتين كاملين عشان يعرف يعيش يومه...

مبقاش بيعرف يقعد مع حد من غير ما ياخده......لو خارج طول اليوم لازم يخلى فى عربيته شريطين تلاته إحتياطى....أقسم بالله العظيم أنا أعز صحابه واللى مش بيعدى يوم من غير ما نكلم بعض كنت لما بسمع صوته بعرف إن كان واخد ولا لا من صوته....لأنه من غيره مبقاش إنسان طبيعى مش بيضحك وديما ساكت ومش بيتكلم وعصبى.....مبقاش بيعرف يصوم رمضان للأسف بسبب السم ده لأنه مش هيعرف يروح شغله من غيره ولا يتعامل مع المرضى والناس.

بعد 3 سنين صاحبى ربنا كرمه بتوأم ..... على مدار ال 3 سنين دول حاول كتير جدا يبطله ومش بيقدر....لأنه كان متاح أدامه طبعا.....واالشيطان اللى مصورله إنه برغم كل اللى بحكيه ده ممكن يبطله تانى يوم بدون أى قلق وإنه مش مدمن " ترامادول " .....

نهاية القصه :-

- صاحبى الدكتور ربنا رزقه بفرصة عمل فى مكان بيحلم بيه ناس كتير أوى أوى أوى بره مصر ، وراح يعمل التحاليل المطلوبه من الشركه ، تحاليل عاديه فيروس b , c وتحليل إيدز.....الراجل حلل ومشى عادى ..... وبعد 4 أيام بالضبط لقى الناس بتكلمه وتقوله تعالى ضرورى قابل الدكتوره مديرة مركز التحاليل ضرورى....صاحبى راح قابلها وفهم منها إن من ضمن التحاليل دى تحليل للكشف عن المخدرات فى الجسم ، وده كان من شروط الألتحاق بفرصة العمل الكبيره أوى دى بس هوا مكنش يعرف كده طبعا....طبعا كلنا كده فهمنا نتيجة تحليل المخدرات فى الجسم طلعت إيجابيه ....وتحاليل الكلى وو ظائف الكبد مرتفعه بشكل مخيف غير مناسب لسنه إطلاقا....الدكتوره بتاعت المركز طلعت بنت حلال وربنا يبارك فيها....وقالتله كلم الشركه أو المستشفى دى اللى جيلك فرصه منها...وقلها إن عندك ظروف طارئه وهتعمل التحاليل بعد شهر عشان تساعده يبطل السم ده و يروح تاثيره من جسمه.....

صحبى اقسم بالله وبإسلامه إنه لو كان اخر يوم فى عمره مش هيرجع للسم ده تانى ... بقاله لحد الوقتى 10 أيام فى عذاب رهيب والله عشان يبطل....الام رهيبه فى الجسم وعدم نوم وارق بشكل رهيب وتعب فى جسمه كله........... " الترامادول " ذى الهيروين بالضبط والأعراض الإنسحابيه بتاعته من الجسم ربنا ما يوريهالنا يارب.....



Admin
Admin

عدد المساهمات : 33
تاريخ التسجيل : 28/11/2012
الموقع : http://freedomest.com

معاينة صفحة البيانات الشخصي للعضو http://tramadol-addiction.forumegypt.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى